የአፍሪካ ኅብረት የሠላምና ፀጥታ ኮሚሽነር በሩዋንዳና በዲሞክራቲክ ኮንጎ ሪፓብሊክ ጉብኝት ሊያካሂዱ ነው

  • PDF

አዲስ አበባ፤ ታህሳስ 26/2005 (ዋኢማ) - አፍሪካ ኅብረት ኮሚሽን የሠላምና ፀጥታ ኮሚሸነር አምባሳደር ራመታኔ ላማምራ የሚመራ ቡድን በጥር ወር መግቢያ ላይ በዲሞክራቲክ ኮንጎ ሪፓብሊክና በሩዋንዳ የአራት ቀናት የሥራጉበኝት እንደሚያደርጉ የአፍሪካ ኅብረት አስታወቀ፡፡

የአፍሪካ ኅብረት ለኢትዮጵያ ዜና አገልግሎት እንዳስታወቀው በኮሚሽነሩ የሚመራ የኮሚሽኑ ከፍተኛ የሥራ ኃላፊዎች ቡድን በታላላቅ ሐይቆች አካባቢ ወቅታዊ ሁኔታና በቀጣናው ሠላምና መረጋጋት በሚጠናከርበት ዙሪያ ይመክራል፡፡

እንደ ኢዜአ ዘገባ ቡድኑ በኪጋሊ ቆይታው ሩዋንዳ የኅብረቱ የሠላምና ፀጥታ ኮሚሽን አጀንዳዎችን መደገፍ በምትችልበት ሁኔታ ከአገሪቱ ባለሥልጣናት ጋር ይመክራል ተብሎ ይጠበቃል፡፡