ኢትዮጵያ ብዝሃነትን ማስተናገዷ ለእድገቷ መፋጠን ወሳኝ መሆኑ ተገለጸ

  • PDF

ባህር ዳር፤ ህዳር 27/2005 (ዋኢማ) : በኢትዮጵያ የብሄሮች፣  ብሄረሰቦችና ሕዝቦች  እኩልነት መረጋገጥና የአዲሲቷ ኢትዮጵያን ግንባታ ለማፋጠን የብዝሃነት በሕገ መንግስቱ መካተት ወሳኝ ድርሻ ወሣኝ መሆኑን የፌደሬሽን ምክር ቤት ገለጸ።

የፌደሬሽን ምክር አፈጉባኤ ክቡር አቶ ካሳ ተክለብርሃን ለሰባተኛ ጊዜ የሚከበረውን  የብሄሮች፣ ብሄረሰቦችና ሕዝቦች  በዓልን አስመልከቶ በሕገ መንግስቱና ባስገኘው ኢኮኖሚያዊና ማህበራዊ ልማቶች ላይ ዙርያ በመካሄድ ላይ ባለው ሲምፖዚየም እንደገለጹት በአገሪቱ አንድ የፖለቲካና የኢኮኖሚ ማህበረሰብ በመፍጠር ዘላቂ የኢኮኖሚና ዴሞክራሲያዊ እድገት ማረጋገጥ ይገባል።
ባለፉት መንግስታት  የነበረውን የብሄር ጭቆናና አድሏዊ ስርአት በማስወገድ በመፈቃቀርና በመተማመን ላይ የተመሰረተ ጠንካራ አንድነት አዲሲቷን ኢትዮጵያ ለመገንባት አበረታች ጥረት መደረጉን ገልጸዋል።

አቶ ካሳ ኤየዘወመ  መንግስቱና ህገ መንግስታዊ ስርዓቱ በሀገሪቱ ተግባራዊ ከሆነ ጊዜ ጀምሮ አስተማማኝ ሰላም በመስፈኑ በኢኮኖሚና ማህበራዊ ልማቱ በየዓመቱ ከ11 በመቶ በላይ እድገት ማሰመዝገብ የተቻለ ሲሆን የዴሞክራሲያዊ ስርዓት ግንባታው ስር እየሰደደ መምጣቱን ተናግረዋል።

በሀገሪቱ የፖለቲካ ስልጣን ባለቤት ህዝቡ መሆኑ በህገ መንግስቱ በመደንገጉ የመንግስት ስርዓት በህዝብ ይሁንታ ብቻ የሚወሰን በመሆኑ ከጊዜ ወደጊዜ ተቀባይነቱ እያደገ መምጣቱን የተናገሩት  አቶ ካሳ  የውስጥና የአካባቢ ሰላምን በማስጠበቅ እመርታዊ ለውጥ መመዝገቡንም ገልጸዋል።

የተከፈተው ሲምፖዚየሙ በህገ መንግስታዊ ስርዓቱ የተመዘገቡ አበረታች ለውጦችን በማስታወስ አዲሱ ትውልድ ህገ መንግስቱ ያስገኛቸው ፋይዳዎች ለመረዳትና በእውቀት ላይ የተመሰረተ ግንዛቤ እንዲኖር ለማድረግ እንደሚያስችል አቶ ካሳ ተክለብርሃን ተናግረዋል።